Policia e Kosovës ka njoftuar se një grua në Mitrovicë të Veriut, është raportuar e zhdukur.
Rasti është raportuar në Polici të mërkurën, ndërkohë që ajo thuhet se ka dalë nga shtëpia të martën e kësaj jave.
“Më 29.05.2024 ankuesja femër kosovare ka informuar se viktima femër kosovare ka dalë nga shtëpia dhe nuk është kthyer më”, thuhet në raportin 24-orësh të Policisë.
Rasti thuhet se është duke u hetuar nga njësitet kompetente policore.
