Një person ka vdekur si pasojë e një aksidenti që ka ndodhur të mërkurën në mbrëmje në autostradën “Arbën Xhaferi”.
Policia për aksidentin ku thuhet se janë përfshirë tri vetura, është njoftuar rreth orës 20:40.
“Njoftimit i janë përgjigjur njësitet policore, të cilat nga vendi i ngjarjes (autostradë, kilometri i parë, drejtimi Prishtinë-Lipjan), raportojnë se në aksident janë përfshirë tri vetura. Dyshohet që si pasojë e aksidentit, sipas ekipit mjekësor, një person ka humbur jetën”, ka njoftuar Policia.
Në vendngjarje thuhet se kanë dalë njësitet e patrullës së autostradës dhe ata të hetimeve të cilët janë duke kryer shikimin dhe procedurat e parapara për vend-ngjarje.
