Të paktën tre persona kanë mbetur të plagosur të martën brenda një lokali të Tiranës, njoftoi “Top Channel”.
Siç raportohet rasti ka ndodhur në zonën e “Rrugës së Kavajës” teksa personat kanë qenë duke festuar.
32-vjeçari me iniciale E. E., dyshohet se e ka nxjerrë armën që e mbante pa leje për t’ua treguar kushërinjve të tij, por aksidentalisht e ka shkrepur dhe plumbi ka gërvishtur dy burra dhe një 36-vjeçare ka mbetur e plagosur në zonën e barkut.
Të tre personat janë transportuar në një spital privat, ku vëllezërit 36 dhe 34 vjeç, pas ndihmës së parë janë larguar në shtëpi, ndërsa 36-vjeçarja po vazhdon mjekimin, mirëpo gjendja e saj është jashtë rrezikut për jetën.
Ndërkohë, autoritetet në Shqipëri po vijojnë punën për dokumentimin e plotë ligjor të këtij rasti dhe arrestimin e autorit.
