-
Nga:
Venhar Isufi
- 13 dhjetor 2023 20:45
- Shpërndaje në:
Katër persona kanë marrë lëndime trupore si pasojë e një aksidenti në Komoran të Drenasit.
Sipas zëdhënësit të Policisë në rajonin e Prishtinës, Bajram Krasniqi, aksidenti ka ndodhur rreth orës 18:30, ndërkaq të lënduarit kanë marrë trajtim mjekësor.
“Rreth orës 18:30 kemi marrë informacion për një aksident në autostradën ‘Ibrahim Rugova’, katër persona janë të lënduar nga ky aksident”, ka thënë ai.
Shefi i personelit në QKUK, Agron Çitaku, ka thënë për KOHËN se një nga të lënduarit është në gjendje të rëndë.
