Të paktën tre persona kanë mbetur të lënduar si pasojë e një aksidenti trafiku të ndodhur gjatë mbrëmjes të së enjtes në rrugën Prishtinë-Pejë.
Zëdhënësi i Policisë, Daut Hoxha, ka thënë se të lënduarit janë dërguar për trajtim mjekësor.
Sipas tij, aksidenti ka ndodhur me dy automjeteve dhe një kamionete.
“Rreth orës 20:40 është shkaktuar një aksident trafiku në rrugën Pejë-Prishtinë, ku ishin përfshirë dy automjete dhe një kamionetë. Sipas informatave fillestare, tre persona kanë kërkuar ndihmë mjekësore”, ka thënë ai.
Njësitet policore për kontroll të autostradave kanë dalë në vendngjarje dhe janë marrë me hetimet lidhur me shkaktarët e aksidentit.
