Një person ka raportuar të dielën në Mitrovicë se është sulmuar fizikisht nga një zyrtar policor që ka qenë jashtë detyrës zyrtare, i cili më pas është larguar nga vendi i ngjarjes.
Policia ka njoftuar të hënën se rasti është raportuar të ketë ndodhur rreth orës 18:00 brenda një lokali.
Tutje thuhet se bazuar në videoincizime, shihet se ankuesi ka pasur një thikë, me të cilën dyshohet se e ka kanosur zyrtarin policor.
Njësitet policore e kanë konfiskuar thikën, ndërsa lidhur me rasti është informuar edhe prokurori dhe Inspektorati Policor i Kosovës.
Rasti është duke u hetuar.
