Policia e Kosovës po e heton një rast dhunimi në Suharekë, pasi një grua ka raportuar se është dhunuar dhe sulmuar seksualisht nga dy persona të panjohur.
Në raportin 24-orësh thuhet se viktima është dërguar në ekzaminim mjekësor, e për rastin janë arrestuar tre të dyshuar, derisa dy prej tyre janë dërguar në mbajtje e tjetri është liruar.
“Viktima femër kosovare ka raportuar se është sulmuar fizikisht dhe dhunuar nga dy persona të panjohur. Viktima është dërguar për ekzaminim mjekësor, ndërsa lidhur me rastin janë arrestuar tre të dyshuar meshkuj kosovarë dhe me vendim të prokurorit, pas intervistimit dy prej tyre janë dërguar në mbajtje ndërsa i dyshuari tjetër është liruar”, thuhet në njoftimin policor.
