-
Nga:
Dorentina Thaqi
- 23 gusht 2022 16:43
- Shpërndaje në:
Është shtyrë sërish seanca ndaj Shaban Gogajt, i akuzuar për vrasjen e Agonis Tetajt.
Seanca, e cila ishte e caktuar për të martën, është shtyrë për në shtator për shkak se avokati i ri i caktuar nga trupi gjykues në Pejë, nuk i kishte shkresat e lëndës.
Trupi gjykues në këtë seancë, ka njoftuar vetëm se është caktuar avokat i ri mbrojtës për Gogajn.
Seancat për vrasjen e Agonis Tetajt, janë duke dështuar të mbahen vazhdimisht për shkak se i akuzuari Shaban Gogaj, po refuzon të ketë avokat tjetër mbrojtës, përveç Besnik Berishës, i cili vitin e kaluar ishte përjashtuar nga rasti.
29-vjeçari Agonis Tetaj ishte vrarë në vendin e tij të punës në shtator të vitit 2018.
