Policia e Kosovës ka njoftuar se të dielën në Graçanicë është raportuar se një burrë është rrëmbyer dhe kanosur nga një tjerë.
Sipas Policisë viktima kishte arritur që të largohej nga i dyshuari.
“Është raportuar se viktima mashkull kosovar është rrëmbyer dhe kanosur nga një i dyshuar mashkull kosovar. Viktima më pas kishe arrit që të largohej nga i dyshuari”, thuhet në raportin 24-orësh policor.
Policia nuk ka dhënë detaje të tjera për rastin, ndërkohë që ka njoftuar se rasti është duke u hetuar nga njësitë relevante policore.
