Në natën mes të mërkurës e të enjtes, policia gjermane ka lëshuar komunikatën e radhës, të tretën, pas të shtënave në afërsi të gjykatës në Bielefeld.
Sipas komunikatës, hetimet po vazhdojnë ndërsa ende nuk është përcaktuar se sa persona janë të dyshimtë.
“Të gjithë të katër të lënduarit janë në spital për trajtim. Ndryshe nga raportimet e mediave, asnjëri prej të lënduarve nuk ka vdekur. Gjendja e të plagosurve momentalisht është stabile. Hetimet në vendin e krimit janë kompletuar, kështu që masat e rrethimit kanë përfunduar”, shkruan në komunikatë.
Media të shumta gjermane, duke u thirrur në burimet e reporterit të WDR, shkruan të mërkurën se njëri prej të plagosurve ka vdekur.
Të shtënat ndodhën të mërkurën në mesditë pas përfundimit të seancës së gjykimit për vrasjen e boksierit shqiptar, Besar Nimani.
Dyshohet se të shtënat kanë të bëjnë me këtë rast. Dy prej të plagosurve janë babai dhe vëllai i personit që po gjykohet për vrasjen e Nimanit, Huseyin Akkurt. Nimani ishte vrarë më 9 mars të vitit të kaluar, ndërsa i dyshuari tjetër, Aymand Dawoud Kirit është ende në arrati. Dy kurdët kishin shkrepur 16 plumba në drejtim të boksierit shqiptar, një vit më parë në Bielefeld.
Dy të dyshuar për të shtënat e së mërkurës janë arrestuar. Një person i tretë është duke u kërkuar si i dyshimtë, ndërsa WDR njofton se ai planifikon të dorëzohet tek autoritetet në ditët në vijim.
Lëshohet urdhërarrest për vëllain e Besar Nimanit, po dyshohet për plagosjen e 4 personave
Gjykata e Qarkut në Bielefeld ka lëshuar urdhërarrest për vëllain e boksierit të ndjerë Besar Nimani, për tentim vrasje, raporton "Bild".
Vëllai i Nimanit po shihet si i dyshuari kryesor për plagosjen e katër personave të mërkurën para Gjykatës së Qarkut në Bielefeld. Sulmi me armë u bë pas seancës gjyqësor ku Huseyin Akkurt po gjykohet për vrasjen e Besar Nimanit më 9 mars të vitit të kaluar. Akkurt është një nga dy personat që dyshohen se e vranë Nimanin me 16 plumba në Bielefeld të Gjermanisë vitin e kaluar. Akkurt u arrestua në qershor në Bruksel.
Në mesin e katër të plagosurve të mërkurën, ishin edhe babai dhe vëllai i Akkurtit. Një person raportohet se është në gjendje të rëndë.
“Gjyqtari hetues i Gjykatës së Qarkut në Bielefeld lëshoi një urdhërarrest ndaj këtij personi për katër akuza për tentim vrasje, që përfunduan me lëndime të rënda trupore”, thuhet në deklaratën e përbashkët të Prokurorisë dhe Policisë së Bielefeldit.
Në ditën e parë të seancës gjyqësore, Berat Nimani kishte thënë për “Bild” se një nga vrasësit e Besarit është ende i lirë dhe se që nga vdekja e Besarit kanë jetuar me frikë të vazhdueshme.
Avokati i Nimanit, Peter Wuller, ka thënë se klienti i tij insiston në pafajësi dhe do të dorëzohet në ditët në vijim.
“Kam pasur disa kontakte me z. Nimani menjëherë pas aktit shumë gjakftohtë në mes të ditës në Bielefeld. Ai më kërkoi ta përfaqësoja. E gjithë situata është shumë konfuze. Pasi ta kem marrë një pasqyrë të plotë të rastit dhe të flas me prokurorin publik, klienti im do të shkojë në polici e do të dorëzohet”, tha Wuller. “Berat Nimani më siguron për pafajësinë e tij dhe thotë se nuk kishte asnjë lidhje me të shtënat para gjykatës së qarkut”.
Dëshmitarët pretendojnë se kanë parë Berat Nimanin dhe motrën e tij në një makinë të zezë që u largua nga vendi i ngjarjes. Pjesëmarrësit në gjyq po ashtu vunë re se të dy u larguan para kohe nga salla e gjyqit.
Dy të arrestuarit për plagosjen e së mërkurës në Bielefeld janë liruar
Foto: NonstopNews
Dy persona, që ishin arrestuar të mërkurën në Bielefeld pas të shtënave me armë para gjykatës, janë liruar, raporton “Radio Bielefeld”.
Katër persona u plagosën pas përfundimit të seancës ndaj Huseyin Akkurt, njërit prej të akuzuarve për vrasjen e boksierit kosovar Besar Nimani më 9 mars të vitit të kaluar.
Babai dhe vëllai i Akkurtit pretendohet se janë plagosur, ndërsa një 23-vjeçar është në gjendje të rëndë shëndetësore.
Dy persona u arrestuan, ndërsa policia po e kërkon si të dyshuar edhe vëllain e boksierit të ndjerë Besar Nimani.
Të arrestuarit të mërkurën është konstatuar se nuk kanë të bëjnë me të shtënat dhe i përkisnin familjes që u qëllua me armë zjarri. Avokatët Lutz Klose dhe Jan-Christian Hochmann kanë konfirmuar lirimin e tyre.
Dëshmitarët pretendojnë se kanë parë vëllain dhe motrën e Besar Nimanit në një makinë të zezë që u largua nga vendi i ngjarjes. Pjesëmarrësit në gjyq po ashtu vunë re se të dy u larguan para kohe nga salla e gjyqit.
Vëllai i Besar Nimanit insiston në pafajësi, avokati thotë se do të dorëzohet në polici ditëve në vijim
Berat Nimani
Vëllai i boksierit të ndjerë Besar Nimani, ka insistuar se nuk ka asnjë gisht në sulmin e të mërkurës para gjykatës në Bielefeld, në të cilin u plagosën katër persona.
Nimani kishte thënë për “Bild” më herët se familja ka jetuar në frikë të vazhdueshme që nga vrasja e Besarit në marsin e vitit të kaluar.
“Një nga vrasësit e Besarit po ecën i lirë. Që nga vrasja e tij ne kemi jetuar me frikë të vazhdueshme”, tha Nimani.
Besar Nimani ishte qëlluar me 16 plumba më 9 mars të vitit të kaluar.
Dy persona dyshohen për vrasjen e tij. Njëri, Huseyin Akkurt, u arrestua në qershor të vitit të kaluar në Bruksel. I dyshuari tjetër Aymand Dawoud Kirit është në arrati. Të shtënat të mërkurën ndodhën pas përfundimit të seancës gjyqësore në Bielefeld ndaj Akkurtit.
Në mesin e 4 të plagosurve, raportohet se janë babai dhe vëllai i Akkurtit. Dy të tjerë po ashtu janë plagosur, përfshirë një 23-vjeçar që thuhet se është në gjendje kritike. Mediumi gjerman “WDR” të mërkurën kishte raportuar se dyshohet për një të vdekur në rastin.
Avokati i Nimanit, Peter Wuller, ka thënë se klienti i tij insiston në pafajësi dhe do të dorëzohet në ditët në vijim.
“Kam pasur disa kontakte me z. Nimani menjëherë pas aktit shumë gjakftohtë në mes të ditës në Bielefeld. Ai më kërkoi ta përfaqësoja. E gjithë situata është shumë konfuze. Pasi ta kem marrë një pasqyrë të plotë të rastit dhe të flas me prokurorin publik, klienti im do të shkojë në polici e do të dorëzohet”, tha Wuller. “Berat Nimani më siguron për pafajësinë e tij dhe thotë se nuk kishte asnjë lidhje me të shtënat para gjykatës së qarkut”.
Sipas gazetës gjermane “Bild”, Nimani nuk gjendet në Bielefeld por në një qytet tjetër. Policia kishte kërkuar në apartamentin e tij.
Dëshmitarët pretendojnë se kanë parë Berat Nimanin dhe motrën e tij në një makinë të zezë që u largua nga vendi i ngjarjes. Pjesëmarrësit në gjyq po ashtu vunë re se të dy u larguan para kohe nga salla e gjyqit.
