Një zyrtar policor është vetëplagosur me armë zyrtare të mërkurën në Suharekë.
Zëdhënësi i Policisë për rajonin e Prizrenit, Shaqir Bytyqi, ka thënë për KOHËN se policit i është dhënë ndihmë mjekësore.
“Rasti ka ndodhur dje me datë 26.02.2025. Një polic aksidentalisht është plagosur në dorën e majtë me armën e tij zyrtare, policit të lënduar i është dhënë ndihma mjekësore”, ka thënë ai.
Policia dhe komandanti i stacionit të Suharekës kanë dalë në vend ngjarje.
Tutje Bytyqi ka thënë se është njoftuar edhe prokurori kujdestar si dhe Inspektorati policor i Kosovës.
Rasti është duke u hetuar.
