Novobërdë, vdes si pasojë e lëndimeve të marra në vendin e punës

Një person ka ndërruar jetë në Qendrën Klinike Universitare të Kosovës (QKUK), si pasojë e lëndimeve që ka marrë, kur është rrëzuar nga çatia e një shtëpie ku ka qenë duke punuar.

Rasti ka ndodhur të martën në Novobërdë dhe është cilësuar si “Rrezikim i sigurisë në vendin e punës”.

”Raportohet se viktima mashkull kosovar gjersa ka qenë duke punuar në një shtëpi është rrëzuar nga çatia. Viktima ka pësuar lëndime të rënda trupore dhe është dërguar në QKUK ku ka ndërruar jetë”, thuhet në raportin e Policisë. 

Me vendim të prokurorit trupi i pajetë thuhet se është dërguar në për obduksion në Institutin e Mjekësisë Ligjore.