Një person ka mbetur i vdekur dhe tre të tjerë të lënduar si pasojë e një aksidenti trafiku të dielën në Jagodë të Klinës.
Zëdhënësi i Policisë për rajonin e Pejës, Fadil Gashi, ka thënë për KOHËN se treni e ka goditur një veturë.
Sipas tij, të lënduarit janë dërguar për trajtim mjekësor në Emergjencën e Spitalit në Pejë.
“Ngjarja ka ndodhur rreth orës 12:25. Në vendin e ngjarjes kanë dalë ekipet emergjente dhe zjarrfikësit. Vdekjen e viktimës e ka konstatuar mjeku në vendin e ngjarjes. Tre të lënduarit janë dërguar për trajtim në Emergjencën e Spitalit Rajonal në Pejë”, ka thënë ai.
