Një person ka pësuar lëndime trupore si pasojë e një aksidenti trafiku që ka ndodhur të mërkurën në Nabërgjan të Klinës.
Zëdhënësi i Policisë për rajonin e Pejës, Fadil Gashi, ka thënë se i lënduari është dërguar për trajtim në Emergjencë të Spitalit të Pejës.
Sipas Gashit, në aksident janë përfshirë një veturë dhe një traktor.
“Personi i lënduar është dërguar në Emergjencë. Në vendin e ngjarjes kanë dalë hetuesit e trafikut, të cilët po zhvillojnë hetime lidhur me rastin. Aksidenti ka ndodhur rreth orës 15:40”, ka thënë Gashi.
