Një grua ka humbur jetën në një aksident trafiku në Sllatinë e katër persona të tjerë kanë pësuar lëndime trupore të enjten.
Viktima është rreth 50-vjeçare, ka njoftuar KOHËN mjekja kujdestare në QKUK, Dafina Rushiti, derisa tha se një tjetër grua me lëndime të rënda do të hyjë në sallën e operacionit.
Aksidenti ka ndodhur rreth orës 19:00 në drejtimin Prishtinë-Pejë, ka bërë të ditur zëdhënësi i Policisë për rajonin e Prishtinës, Daut Hoxha.
Ai i ka thënë KOHËS se vetura është rrotulluar duke shkaktuar vetaksident.
“Menjëherë Policia ka reaguar në lokacion dhe janë njoftuar ekipet e tjera emergjente dhe zjarrfikësit. Sipas informatave fillestare, dyshohet se përveç lëndimeve rënda trupore, raportohet edhe për pasoja fatale në këtë rast”, thuhet në njoftimin e tij.
Autoritetet ndodhen në vendin e ngjarjes dhe po i kryejnë hetimet.
(22:01) - Aksident në Sllatinë, lëndohen pesë persona – dyshohet edhe për viktima
Zëdhënësi i Policisë për rajonin e Prishtinës, Daut Hoxha, i ka thënë KOHËS se vetura rreth orës 19:00 ka humbur drejtimin dhe është rrotulluar duke shkaktuar vetaksident.
“Menjëherë Policia ka reaguar në lokacion dhe janë njoftuar ekipet e tjera emergjente dhe zjarrfikësit. Sipas informatave fillestare, dyshohet se përveç lëndimeve rënda trupore, raportohet edhe për pasoja fatale në këtë rast”, thuhet në njoftimin e tij.
Ai i ka thënë KOHËS se autoritetet ndodhen në vendin e ngjarjes dhe po i kryejnë hetimet.
