Prokuroria Themelore në Gjakovë ka ngritur aktakuzë ndaj të pandehurit me inicialet D.Ll. nën dyshimin se ka ngacmuar seksualisht një vajzë në një shkollë në këtë komunë.
Sipas aktakuzës, rasti i ngacmimit seksual ka ndodhur më 26 mars në një shkollë të mesme të ulët.
“Sipas aktakuzës, ndër tjera ceket se i pandehuri me inicialet D.Ll., me datë 26.03.2025, në Gjakovë, saktësisht në Shkollën e Mesme të Ulët “M.K.”, e ngacmon seksualisht personin tjetër, e cila është viktimë e ndjeshme për shkak të moshës, duke u përfshirë në sjellje të padëshiruar verbale të natyrës seksuale ndaj të dëmtuarës/e mitur, veprime këto me të cilat të dëmtuarës/e mitur, i ka cenuar dinjitetin dhe i ka krijuar mjedis objektivisht frikësues, degradues dhe poshtërues”, thuhet në njoftim.
Ndaj tij ishte caktuar masa e paraburgimit prej një muaji më 28 mars. Prokuroria ka propozuar që kjo masë t’i vazhdohet deri në aktgjykimin e plotfuqishëm.
