Një person është shoqëruar në polici pasi që ka sulmuar ekipin mjekësor në Qendrën Kryesore të Mjekësisë Familje në Obiliq, që ishte duke i dhënë ndihmë mjekësore një personi.
Rasti ka ndodhur të martën dhe është cilësuar si “sulm ndaj personi zyrtar”.
“Është shoqëruar në stacion policor i dyshuari mashkull kosovar pasi që kishte sulmuar fizikisht ekipin mjekësor të QKMF-së përderisa ishin duke i dhënë ndihmë mjekësore një personi. Me vendim të prokurorit i dyshuari është liruar dhe rasti shkon në procedurë të rregullt”, thuhet në raportin 24-orësh të Policisë.
