Policia e Kosovës ka njoftuar të dielën se një person kishte shtënë me armë zjarri gjatë një ahengu familjar, të shtunën në Prizren.
Sipas njoftimit, i dyshuari për gjuajtjen ndodhet në arrati.
“Një mashkull kosovar, ka shtënë me armë gjatë një ahengu familjar. Njësia policore në vendin e ngjarjes ka gjetur dhe sekuestruar 4 gëzhoja të kalibrit të panjohur. I dyshuari gjendet në arrati. Rasti në hetime”, thuhet në raportin 24-orësh të Policisë.
