Një mjet i pashpërthyer është gjetur të shtunën në Mramor të Prishtinës.
Policia ka njoftuar se gjetja e kësaj granate dore u bë pasi një person ka raportuar se në pronën e tij ka mjete të pashpërthyera që nga koha e luftës.
Asgjësimi i saj u bë nga njësitet e deminimit të Forcave të Sigurisë së Kosovës dhe KFOR-it.
Në raport policor më tej thuhet se ankuesi dyshon që ka ende mjete të tjera të pashpërthyera në pronën e tij, për çka njësitet e deminimit do ta vijojnë hulumtimin.
“Lidhur me rastin është informuar edhe prokurori, i cili ka vlerësuar se nuk ka elemente të ndonjë vepre penale”, thuhet në raport.
