Prokuroria Themelore në Prizren ka ngritur aktakuzë ndaj të pandehurit Sh.G. nën dyshimin për shitblerje të narkotikëve.
Siç bëhet e ditur në një komunikatë për media, i pandehuri ishte kapur më 2 korrik në pikën kufitare në Vërmicë. Sipas aktakuzës, i pandehuri ishte kapur me 300 gramë marihuanë e të cilën e ka blerë në Shëngjin për 500 euro.
Sipas aktakuzës, i pandehuri ka synuar ta vinte këtë sasi në shitje në Kosovë.
Vepra penale për të cilën akuzohet Sh.G. që gjendet në paraburgim është “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.
