Rinesa Qorri
Mjeku kujdestar konfirmon vdekjen e një personi nga të shtënat me armë
(E përditësuar 00:05) - Agron Çitaku, mjek kujdestar, ka bërë të ditur se personi që vdiq kishte ardhur në QKUK thuajse pa shenja jete. Ai është i moshës rreth të 60-ave. Ndërsa i plagosuri tjetër, sipas Çitakut, është në gjendje stabile.
“Rreth orës 22:35 ka ardhur personi i parë i plagosur, ka qenë thuajse pa shenja jete. Është bërë reanimi i tij, për gjysmë ore, ka ndërru jetë. Pas 15 minutave ka ardhur i plagosuri tjetër që ka tri plagë por është në gjendje stabile. Personi që vdiq është rreth të 60-ave”, ka thënë Çitaku.
(E përditësuar 23:42) - Njëri nga dy të plagosurit e mbrëmjes së sotme në Prishtinë ka vdekur në Qendrën Klinike Universitare, ka mësuar KOHA nga burimet.
Ndërkohë, i plagosuri tjetër vazhdon të trajtohet.
I dyshuari është ende në arrati.
Dy të plagosur në Prishtinë
(23:16) - Dy persona kanë mbetur të plagosur si pasojë e të shtënave me armë zjarri të martën në mbrëmje në Prishtinë. I dyshuari është identifikuar dhe është në kërkim.
Sipas Policisë së Kosovës, ngjarja ka ndodhur rreth orës 22:30 në rrugën “Rrustem Hyseni”. Të plagosurit janë dërguar për trajtim mjekësor, ndërsa hetuesit policorë po punojnë për zbardhjen e rastit.
“Hetuesit policorë janë duke ndërmarrë të gjitha masat e nevojshme dhe janë në kërkim të personit të dyshuar, i cili tashmë është identifikuar”, thuhet në njoftimin e policisë.
