Një person dyshohet se ka qenë cak i një grabitjeje të armatosur të hënën në Prishtinë.
Policia ka njoftuar në raportin 24-orësh se rreth orës 02:00 në rrugën “Mon Balaj”, dy persona të maskuar, njëri me pistoletë dhe tjetri me thikë, i kanë grabitur para të gatshme dhe një telefon viktimës.
Ai ka pranuar trajtim mjekësor.
Asnjë person nuk është arrestuar deri më tash, teksa rasti është duke u hetuar.
