Një burrë në Pejë ka raportuar se pas një mosmarrëveshje është sulmuar nga bashkëshortja e tij.
Policia e Kosovës ka bërë të ditur se nuk ka pasur të lënduar dhe pas konsultimit me prokurorin rasti ka shkuar në procedurë të rregullt.
“Pejë / 18.10.2024 – 23:00. Është raportuar nga viktima m/k, se pas një mosmarrëveshje është sulmuar nga bashkëshortja e tij e dyshuara femër/k. Nuk raportohet për të lënduar. Në konsultim me prokurorin rasti procedohet në procedurë të rregullt”, thuhet në raportin e Policisë.
Është një nga tri rastet e dhunës në familje në raportin 24-orësh të Policisë së Kosovës.
Në një rast në Dragash është arrestuar dhe dërguar në mbajtje një burrë pasi nën ndikim të alkoolit kishte sulmuar fizikisht bashkëshorten e tij.
E në Fushë-Kosovë një grua ka raportuar se është ofenduar dhe sulmuar nga vajza e saj. Rasti ka shkuar në procedurë të rregullt.
