Tre persona janë nxjerrë pa shenja jete nga lumi Vardar afër Shkupit, pasi vetura e tyre doli nga rruga Rashçe-Saraj të enjten.
Siç shkruajnë mediat në Maqedoni të Veriut, në veturë ka qenë një familje me pesë persona.
Sipas raportimeve, në mbrëmje tashmë janë ndalur kërkimet për personin e katërt.
Në veturë mësohet se ka qenë edhe një fëmijë, që gjatë rrokullisjes ka dalë nga vetura dhe është gjetur më pas nga disa kalimtarë që e kanë dërguar në spital.
