Një 69-vjeçar me inicialet H.I., dyshohet se e ka vrarë me sëpatë gruan e tij Sh.I. 66-vjeçe në Shalë të Konispolit në Shqipëri.
Rasti dyshohet të ketë ndodhur rreth orës 07:00, gjatë një mosmarrëveshjeje mes qiftit, raportoi të martën “TCH”.
Më pas ai dyshohet se ka pasur konflikt edhe me djalin e tij, K. I., rreth 40-vjeç, i cili e ka shtyrë nga shkallët e banesës. Si pasojë e dëmtimeve 69-vjeçari ka humbur jetën në vendngjarje.
Sipas policisë, 40-vjeçari është arrestuar, ndërsa grupi hetimor ndodhet në vendngjarje dhe nën drejtimin e Prokurorisë, po punon për sqarimin e plotë të rrethanave të ngjarjes.
