Dy ndeshjet e fundit të Përfaqësueses së Zvicrës në Ligën e Kombeve, kanë bërë që helvetikët të zbresin për tri pozita në ranglistën botërore të publikuar të enjten nga FIFA.
Ekipi i drejtuar nga përzgjedhësi Murat Yakin tani renditet në pozitën e 20-të.
Te Zvicra kapiten është Granit Xhaka, ndërsa herë pas here ftohen edhe Ardon Jashari, Andi Zeqiri e Albian Hajdari.
Në dy ndeshjet e muajit nëntor, Zvicra barazoi me Serbinë dhe humbi nga Spanja.
Kjo është renditja më e dobët e Zvicrës që prej gushtit të vitit 2012, kur ishte në vendin e 23-të.
