Manchester Unitedi i është gëzuar lajmit për rikthimin e qendërmbrojtësit Leny Yoro, para ndeshjes ndaj PAOK-ut në Ligën e Evropës.
Ai kishte lëndim në këmbë, por lajmin për rikthimin e tij e konfirmoi të mërkurën në konferencën për shtyp trajneri i përkohshëm, Ruud van Nistelrooy.
Yoro u lëndua në miqësoren parasezonale, në disfatën 2:1 nga Arsenali në Los Angeles, në muajin korrik.
Francezi 18-vjeçari u operua me sukses më pas në fillim të muajit gusht.
Yoro ka kontratë me Unitedin deri në vitin 2029, ndërsa transferimi i tij nga Lille u ka kushtuar “djajve të kuq” 62 milionë euro.
