Trajneri Xavi Hernandez pritet të vazhdojë të jetë trajner i skuadrës së Barcelonës.
Ai të mërkurën në mbrëmje ka pasur takim me presidentin e klubit, Joan Laportan, dhe është vendosur që Xavi të jetë edhe për edicionin tjetër trajner i “blaugranas”.
“Pas takimit të sotëm dhe insistimit të Laportas që ai të qëndrojë, Xavi i ka pranuar kushtet e Barçës dhe do të vazhdojë të jetë trajner i skuadrës”, ka shkruar të mërkurën mbrëma eksperti i transferimeve në futbollin evropian, Fabrizio Romano.
