Selektori i Gjermanisë, Julian Nagelsmann, e ka ftuar mesfushorin e Stuttgartit, Angelo Stiller, pas pensionimeve të Toni Kroosit, Thomas Muellerit, Manuel Neuerit dhe Ilkay Guendoganit.
23-vjeçari Stiller e ndihmoi Stuttgartin ta përfundojë edicionin më të mirë në Bundesligë.
Ai do të jetë emri i vetëm i ri në Përfaqësuesen e Gjermanisë për ndeshjet e Ligës së Kombeve.
Gjermania do të ballafaqohet me Hungarinë dhe Holandën.
Kroos, Mueller, Neuer dhe kapiteni Guendogan, u pensionuan nga përfaqësuesja pas përfundimit të Kampionatit Evropian.
Në listën e 23 futbollistëve të përzgjedhur nga Nagelsmann, janë portieri i Stuttgartit, Alexander Nuebel, dhe mesfushori i Bayern Munichut, Aleksandar Pavloviq, të cilët nuk ishin në “Euro 2024”. Mbrojtësit të Real Madridit, Antonio Ruedigerit, i është dhënë pushim.
Nagelsmann ishte i lumtur me të gjithë lojtarët në “Euro 2024”, kur Gjermania u mposht në çerekfinale nga Spanja, që e fitoi gjithë turneun.
Pas pensionimit të Neuerit, portieri Marc-Andre ter Stegen i Barcelonës pritet të jetë numri një i portës gjermane.
Gjermania e pret Hungarinë në Duesseldorf më 7 shtator, ndërsa tri ditë më vonë luan kundër Holandës në Amsterdam.
Lista e Gjermanisë:
Portierë: Marc-Andre ter Stegen (Barcelona), Oliver Baumann (Hoffenheim), Alexander Nübel (Stuttgart)
Mbrojtës: Waldemar Anton (Borussia Dortmund), Benjamin Henrichs (Leipzig), Joshua Kimmich (Bayern Munich), Robin Koch (Eintracht Frankfurt), Maximilian Mittelstadt (Stuttgart), David Raum (Leipzig), Nico Schlotterbeck (Borussia Dortmund), Jonathan Tah (Bayer Leverkusen)
Mesfushorë: Robert Andrich (Bayer Leverkusen), Emre Can (Borussia Dortmund), Chris Fuehrich (Stuttgart), Pascal Gross (Borussia Dortmund), Jamal Musiala (Bayern Munich), Aleksandar Pavlovic (Bayern Munich), Angelo Stiller (Stuttgart), Florian Wirtz (Bayer Leverkusen)
Sulmues: Maximilian Beier (Borussia Dortmund), Niclas Fuellkrug (West Ham), Kai Havertz (Arsenal), Deniz Undav (Stuttgart)
