Augsburgu, skuadra e mesfushorit të Kosovës, Elvis Rexhbeçaj, ishte duke fituar me rezultatin 1:0 që në fillim të pjesës së dytë.
Por ai dhe bashkëlojtarët nuk e rujatën epërsinë e krijuar dhe në fund morën vetëm një pikë nga udhëtimi te Hoffenheimi të shtunën.
Ndeshja e xhiros së 27-të e Bundesligës përfundoi 1:1.
Samuel Essende që u inkuadrua në fillim të pjesës së dytë, realizoi për epërsinë e mysafirëve në minutën e 46-të.
Shifrat dhe rezultatin përfundimtar e vendosi Andrej Kramariq, në minutën e 71-të.
Sulmuesi kroat realizoi nga penalltia.
Rexhbeçaj e kompletoi ndeshjen tek Augsburgu, që zë vend në mesin e tabelës me 39 pikë, kurse Hoffenheimi ka 27 pikë.
