Vëllezërit Arbër e Besfort Zeneli patën paraqitje të mirë me Elfsborgun të mërkurën në mbrëmje, por pësuan humbje 4:3 në udhëtim te Galatasaray.
Elfsborgu e humbi ndeshjen e xhiros së tretë të fazës së ligës, në Ligën e Evropës.
Vendësit krijuan epërsi prej tri golave në pjesën e parë, kur shënuan Mauro Icardi, Isak Petterson që realizoi autogol dhe Baris Alper Yilmaz. Niklas Hult dhe Michael Baidoo shënuan për mysafirët për 2:2.
Në minutën e 77-të u zëvendësuan vëllezërit Zeneli, ndërsa në minutën e 83-të, për 4:2 shënoi Yunus Akgun.
Golin e fundit në ndeshje e realizoi Johan Larsson, për 4:3.
Elfsborgu mbetet me tri pikë pas tri ndeshjeve, ndërsa Galatasaray ka shtatë pikë.
Shtatë pikë i ka edhe Bodo/Glimti norvegjez, që fitoi në udhëtim te Braga me rezultatin 2:1, me gol të minutës së 94-t nga Villads Nielsen.
