Virgil van Dijk i është bashkuar sulmuesit Mohamed Salah dhe e ka vazhduar kontratën me Liverpoolin.
Njësoj si kontrata e sulmuesit të krahut, edhe ajo e qendërmbrojtësit skadonte në fund të edicionit aktual.
Por, holandezi ka vendosur që te Liverpooli të qëndrojë edhe për dy edicione tjera.
“Jam shumë i lumtur, shumë krenar”, ka thënë Van Dijk të enjten për faqen zyrtare të klubit.
“Kam kaq shumë emocione dhe është e qartë. Por është ndjenjë krenarie, ndjenjë kënaqësie. Është diçka e jashtëzakonshme. Të jem në gjendje të luajë edhe për dy edicione te ky klub është e shkëlqyer dhe jam shumë i lumtur pas rrugëtimit që e kam pasur deri tani”.
33-vjeçari Van Dijk ka qenë figurë e rëndësishme te Liverpooli, njësoj si Salah, qëkur u transferua nga Southamptoni në vitin 2018 për 100 mlionë euro, që është rekord për një mbrojtës.
Për shtatë vjet e gjysmë qëndrimi në “Anfiled”, Van Dijk e ka fituar titullin e Premier Leagues një herë, dhe është afër që të festojë për herën e dytë.
E ka fituar edhe Ligën e Kampionëve, Kupën FA, dy Kupa të Ligës dhe Kupën e Botës për Klube.
