Ish-sulmuesi i njohur holandez, Marco van Basten, ishte i pranishëm në “San Siro” të dielën për ta festuar 125 vjetorin e themelimit të klubit të Milanit.
Milani barazoi pa gola me Genoan në ditën e 125 vjetorit të themelimit.
Gjatë një interviste për “La Gazzetta dello Sport”, Van Basten deklaroi se Milani është klubi i madh me stadium fantastik dhe tifozë të mrekullueshëm.
“Milani është klub i madh, ka stadium fantastik dhe tifozë të mrekullueshëm.
Fatkeqësisht Interi ka qenë skuadër më e mirë gjatë viteve të fundit në Serie A dhe kjo është një goditje në zemër për tifozët e Milanit.
Jam i bindur se Milani do të kthehet në rrugët e fitoreve”, ka thënë Van Basten.
60-vjeçari Van Basten është legjendë e Milanit.
Ai ka luajtur nga viti 1987 deri në vitin 1995 te skuadra kuqezi.
