Real Madridi do të jetë pa portierin Thibaut Courtois në “El Clasicon” e parë të edicionit.
Madridi të mërkurën njoftoi për lëndimit e Courtoisit, që do të jetë jashtë ndeshjes që zhvillohet të shtunën me Barcelonën.
Belgu bëri disa pritje vendimtare të martën mbrëma në fitoren 5:2 ndaj Dortmundit në Champions.
Real Madridi të mërkurën në mesditë njoftoi për lëndimit e Courtoisit.
“Pas testeve të bëra nga shërbimi mjekësor, Thibaut Courtois është diagnostikuar me lëndim në muskulin aduktor të këmbës së majtë”, ka njoftuar klubi mbretëror.
Rodrygo po ashtu është lënduar ndaj Dortmundit dhe do të mungojë të shtunën.
