Trajneri holandez Erik ten Hag edhe pas rezultateve jo të mira me Manchester Unitedin në hapje të Premier Leagues, vazhdon të ketë mbështetje të madhe nga drejtuesit e klubit anglez.
Të martën drejtori ekzekutiv i Unitedit, Omar Berrada, u shpreh se do ta mbështesin projektin e holandezit.
“Eriku ka mbështetjen tonë të plotë. Ne mendojmë se ai është trajneri i duhur për skuadrën. Ne kemi punuar shumë së bashku në këtë afat kalimtar dhe do të vazhdojmë të punojmë me të për të ndihmuar në marrjen e rezultateve më të mira nga ekipi. Ne nuk duam të fitojmë vetëm një Premier League dhe të jemi të kënaqur. Ne duam të krijojmë një ekip që është i aftë të garojë për Ligën e Kampionëve”, ka deklaruar Berrada.
Unitedi ka dy disfata dhe një fitore. U mposht nga Brightoni e Liverpooli kurse arriti fitore ndaj Fulhamit.
