Të rinjtë e 2 Korrikut kanë vazhduar me suksese në “UEFA Youth League”, që është Liga e Kampionëve për të Rinj.
2 Korriku të mërkurën mbrëma në Dublin fitoi 3:1 në udhëtim te UCD FC, skuadra irlandeze dhe avancoi tutje me rezultatin e përgjithshëm, 5:2.
Rin Ahmeti me dy gola dhe Omer Shala me një tjetër, ishin shënuesit e këtij ballafaqimi.
Ahmeti shënoi fillimisht supergol në minutën e 13-të.
Vendësit barazuan rezultatin në minutën e 49-të me Jamie Rayanin.
Por Ahmeti shfrytëzoi gabimin e mbrojtësit kundërshtar në minutën e 64-t për 2:1, ndërsa Shala në minutën e 75-të, realizoi me kokë nga afërsia për rezultatin përfundimtar.
Kundërshtari i radhës për 2 Korrikun do të jetë Dinamo Kievi.
Ndeshja e parë luhet më 27 nëntor, ndërsa ajo kthyese më 11 dhjetor.
Shala shënon tjetër gol për 2 Korrikun
2 Korriku e ka shënuar edhe golin e tretë në udhëtim tek UCD FC dhe tani rezultati nga të dyja ndeshjet është 5:2 aktualisht.
Mesfushori Omer Shala realizoi në minutën e 75-të.
Tjetër gol i Ahmetit, 2 Korriku U19 i afrohet raundit të tretë
2 Korriku ndonëse pranoi gol nga UCD FC në fillimin e pjesës së dytë, e ka kthyer epërsinë e një goli.
“Verdhezinjtë” e kryeqytetit janë duke fituar 2:1.
Edhe golin e dytë e shënoi talenti Rin Ahmeti. Ai shfrytëzoi një pasim të gabuar të një kundërshtari, e kaloi portierin dhe shënoi në portën e zbrazët.
Në ndeshjen e parë, 2 Korriku fitoi 2:1.
Rin Ahmeti kalon 2 Korrikun në epërsi me gol të shkëlqyer
Sulmuesi Rin Ahmeti ka shënuar gol të shkëlqyer për 2 Korrikun, në ndeshjen kthyese të raundit të dytë të Ligës së Kampionëve për të Rinj.
Ahmeti në minutën e 13-të e kaloi 2 Korrikun në epërsi. Ai për mrekulli e kaloi një mbrojtës, e më pas e paraboloi portierin e skuadrës irlandeze, UCD FC.
Ahmeti është 16-vjeçar.
