Harry Kane nuk do të luajë për Bayern Munichun ndaj Leipzigut të shtunën e ardhshme në Bundesligë për shkak të suspendimit.
Në ndeshjen në udhëtim, Bayerni mund ta fitojë titullin ndërsa për Kanen do të ishte trofeu i parë i madh në karrierë.
Kane u ndëshkua me të verdhë në fitoren 3:0 të Bayernit ndaj Mainzit, të shtunën.
Për shkak të fitores së Leverkusenit 2:0 ndaj Augsburgut, bavarezët duhet të presin edhe një javë për ta festuar titullin e kampionit të Gjermanisë.
Me 24 gola në ligë këtë edicion, 31-vjeçari Kane, që është kapiten i Anglisë, pritet të bëhet lojtari i parë që e fiton “këpucën e artë” në dy edicionet e para në Bundesligë.
“Vendim i çmendur. Situata ime është që do të mungojë në ndeshjen ndaj Leipzigut. Por, nuk ka problem. Do të festojë më shumë se të gjithë”, ka deklaruar Kane pas ndeshjes.
