Ndeshje në atmosferë të zjarrtë kanë luajtur Rangersi skocez dhe Athletic Bilbao nga Spanja.
Gola nuk pati në ndeshjen e parë çerekfinale të Ligës së Evropës, por fundi ishte dramatik.
Mbrojtësi Robin Propper i Rangersit u përjashtua nga loja në minutën e 13-të.
Më pas në minutën e 76-të, zëvendësuesi Alex Berenguer shënoi gol që u anulua pas rishikimit të situatës në VAR, për pozitë jashtë loje.
Megjithatë, gjyqtari kryesor i ndeshjes dha penallti pasi gjatë ndërtimit të aksionit pati prekje me dorë në zonë.
Berenguer e mori përsipër ekzekutimin e penalltisë dhe dështoi.
Kështu, ndeshja përfundoi pa gola dhe gjithçka do të vendoset të enjten e ardhshme në ndeshjen kthyese. Nedim Bajrami u inkuadrua në minutën e 95-të te Rangersi.
