Suhareka ka vazhduar me përforcime për edicionin e ardhshëm në Superligën e Kosovës në futboll.
Të martën në mbrëmje klubi suharekas e ka zyrtarizuar mbrojtësin Hysen Memolla.
“Ju njoftojmë që kemi arritur marrëveshje transferimi me qendërmbrojtësin Hysen Memolla i cili bashkohet me klubin tonë për edicionin e ri në superligë”, ka shkruar Suhareka në rrjetet sociale.
Memolla së fundi ishte pjesë e skuadrës kampione të Shqipërisë, Egnatia.
Karrierë ka bërë edhe në disa skuadra evropiane si Hellas Verona, Hajduku i Splitit, Salernitana dhe Chindia.
