Skuadra e Sassuolos të shtunën e ka mposhtur Interin me rezultat minimal 1:0, në kuadër të xhiros së 35-të në Seria A.
Golin e vetëm e shënoi mesfushori Armand Lauriente në minutën e 20-të të ndeshjes.
Te Sassuolo mbrojtësi Marash Kumbulla ka kompletuar ndeshjen, ndërsa tek Interi mesfushori Kristjan Asllani u paraqit deri në minutën e 74-të. Mesfushori Nedim Bajrami nuk u paraqit fare te Sassuolo.
Pas 35 ndeshjeve të zhvilluara, Sassuolo është në vendin e parafundit në tabelë me 29 pikë, dhe rrezikon rënien nga liga. Interi tashmë është shpallur kampion.
