Futbollistja Kosovare Asllani ka vendosur për skuadrën e re. Sulmuesja 34-vjeçare i është bashkuar skuadrës angleze London City Lionesses, ndërsa thotë se e ka bindur projekti i klubit. Deri më tani reprezentuesja e Suedisë ishte te Milani në Itali. Ka luajtur edhe për Real Madridin, Manchester Cityn, PSG-në, Chicagon dhe skuadrat suedeze Linkopings e Kristianstads.
Te Suedia ka arritur shifrën e jashtëzakonshme prej 176 ndeshjeve 45 golave. Është njëra prej kapiteneve.
London City Lionesses garon në kategorinë e dytë angleze. Klubin e drejton afaristja amerikane, Michele Kang. Asllani ka firmosur për dy vjet, me opsion për një vit tjetër.
“Jam e lumtur që i bashkohem skuadrës London City Lionesses dhe mezi pres të kontribuoj për sukses”, ka thënë Kosovare Asllani.
