Mbrojtësi i Kosovës, Amir Rrahmani, ka asistuar një gol në fitoren 3:0 që Napoli e arriti të dielën mbrëma në shtëpi ndaj Bolognas, në kuadër të xhiros së dytë të Series A të Italisë.
Rrahmani asistoi në golin e dytë të ndeshjes të shënuar nga Khvicha Kvaratskhelia në minutën e 75-të. Ai luajti tërë ndeshjen dhe u ndëshkua me karton të verdhë. Golin e parë për Napolin e shënoi Giovanni Di Lorenzo (45+2’) ndërsa të tretin Giovanni Simeone (90+4’).
Në ndeshjen tjetër të së dielës mbrëma, Empoli i Ardian Ismajlit shënoi fitoren 2:1 në udhëtim ndaj Romës. Ismajli luajti tërë ndeshjen, ndërsa në stol ishte Stiven Shpendi.
