Ronaldo kalon krizën, shënon supergol

Cristiano Ronaldo e ka kaluar krizën e dy ndeshjeve pa shënuar gol për skuadrën e Al Nassr.

Të mërkurën mbrëma, Ronaldo realizoi dy herë në fitoren 3:1 ndaj Al Khaleejit, dhe ka avancuar tutje me skuadrën e tij në finale të Kupës së Mbretit.

39-vjeçari realizoi gol të bukur në minutën e 17-të për 1:0.

Më pas, portugezi ia la ekzekutimin e penalltisë bashkëlojtarit të tij, Sadio Mane, i cili realizoi në minutën e 37-të.

Pas afër një ore lojë, Ronaldo realizoi nga afërsia edhe një herë tjetër për 3:0.

Al Khaleej shënoi në minutën e 82-të për 3:1, me mesfushorin Faëaz Al Terais.

Al Nassr në finale do të luajë kundër Al Hilalit.

Ronaldo në edicionin aktual ka 38 gola në të gjitha garat, ndërsa vazhdon formën e mirë para Kampionatit Evropian që organizohet këtë verë në Gjermani.