Real Madridi ka bërë hap gjigant drejt një të tetës së finales në Ligën e Kampionëve.
Të martën mbrëma në “Etihad”, Real Madridi fitoi 3:2 ndaj Manchester Cityt. Ishte kjo ndeshja e parë e plejofit të Ligës së Kampionëve. Me këtë fitore, kampioni në fuqi i është afruar raundit tjetër.
Ndeshja e dy gjigantëve të futbollit u vendos në minutat shtesë. Në minutën e 92-të, Jude Bellingham shënoi golin e fitores 3:2 për Madridin. Ai realizoi me asistim të Vinicius Junior, ndaj të cilit tifozët anglezë shpalosën një pano fyese.
Ndeshja u vendos nga episode interesante.
Erling Haaland shënoi për 1:0 në të mirë të Cityt në minutën e 19-të. Kylian Mbappe shënoi për 1:1 në minutën e 60-të.
Pas një penalltie të dyshimtë, Erling Haaland shënoi tjetër gol për kampionin anglez në minutën e 80-të. Por epërsia 2:1 nuk qëndrojë shumë.
Brahim Diaz hyri në lojë në minutën e 84-t dhe menjëherë në minutën e 86-të barazoi në 2:2.
Kur pritej që ndeshja të përfundonte me rezultat të barabartë, në skenë dolën dy prej yjeve të Madridit, Viniciusi dhe Bellinghami që bashkëvepruan për golin e fitores 3:2.
Ndeshja e kthimit zhvillohet më 19 shkurt në “Santiago Bernabeu”. Me fitoren 3:2 në Manchester, klubi mbretëror është në epërsi të madhe para ndeshjes vendimtare.
Manchester City me shumë mund e kaloi fazën e ligës në Champions dhe pati periudha të vështira në ndeshjen e së martës mbrëma. City po ashtu është thuajse jashtë garës në Premier League. Dhe kriza e skuadrës së Pep Guardiolas vazhdon.
Ndërkohë Madridi me fitoren në Angli ka dëshmuar se po kthehet në rrugën e sukseseve.
Paraqitje impresive e Madridit, udhëheq 3:2
Real Madridi ka shënuar golin për 3:2 në ndeshjen ndaj Manchester Cityt.
Golin e tretë për madrilenët e shënoi Jude Bellingham në minutën e 92-të. Viniciusi ishte asistues.
VIDEO:
GOOOOOOOOL DE JUDE BELLINGHAM VAMOOOOOOOOOOOS HASTA EL FINAL 😍😍😍😍😍 pic.twitter.com/Mmg26O4nep
— REAL MADRID FANS 🤍 (@AdriRM33) February 11, 2025
Vazhdon drama, barazon Madridi
Real Madridi ka barazuar në 2:2 ndaj Cityt në Etihar.
Brahim Diaz u aktivizua në minutën e 84-t dhe menjëherë në minutën e 86-të shënoi golin e barazimit.
VIDEO:
BRAHIM DIAZ WHAT A GOAL pic.twitter.com/vqIFHXLeWe
— WolfRMFC (@WolfRMFC) February 11, 2025
City në avantazh 2:1, sërish Haaland
Erling Haaland ka shënuar nga pika e bardhë në minutën e 80-të për epërsinë 2:1 të Cityt ndaj Real Madridit.
Haalandi tani ka 49 gola në 48 ndeshje në Champions.
Barazon Reali
Real Madridi ka barazuar në 1:1 rezultatin në ndeshjen ndaj Cityt.
Kylian Mbappe shënoi në minutën e 60-të.
VIDEO:
KYLIAN MBAPPE WHAT A FINISH! 🤯
pic.twitter.com/rga5W4iW36 https://t.co/IiasV40Wll— TC (@totalcristiano) February 11, 2025
City në epërsi pas pjesës së parë
(21:51) - Manchester City po udhëheq 1:0 ndaj Real Madridit pas pjesës së parë të ndeshjes në “Etihad”.
Golin e vetëm e shënoi Erling Haaland në minutën e 19-të.
Është kjo ndeshja e parë e plejofit të fazës nokaut të Championsit.
(21:26) - Real Madridi ka vazhduar sulmet edhe pas epërsisë 1:0 të Manchester Cityt.
Në minutën e 25-të, goditja e Vinicius Jr përfundoi në traversë.
City në epërsi, shënon Haaland
(21:20) - Erling Haaland ka shënuar golin e parë në ndeshjen e gjigantëve, Manchester City – Real Madrid.
Haalandi kaloi në epërsi 1:0 kampionin anglez në minutën e 19-të. Ai shënoi nga afërsia.
Është dashur të kalojnë tre minuta para se tifozët e Manchester Cityt ta festojnë lirshëm golin e Erling Haalandit.
Goli është rishikuar në VAR, për situatë jashtë loje. Por pas rishikimit të detajuar, goli është pranuar.
VIDEO:
HAALAND GOAL !!! FIRST GOAL AGAINSG MADRID WE ARE WINNIG pic.twitter.com/fKg7MIYh7e
— ⚡️🇧🇼 (@Priceless_MCI) February 11, 2025
Rasti i parë për Real Madridin
(21:15) - Ndeshja mes Manchester Cityt e Real Madridit ka nisur të “ndezet”. Rastin më të mirë deri më tani e patën madrilenët. Në minutën e 10-të, Kylian Mbappe gjuajti bukur, por portieri i Cityt ishte në vend.
Vetëm një minutë më pas madrilenët lëshuan tjetër rast të artë.
