Sulmuesi i krahut, Milot Rashica, ka shënuar gol pas një kohe të gjatë në Superligën e Turqisë.
Të premten mbrëma, Rashica realizoi me goditje me kokë në fitoren 3:2 të Beshiktashit ndaj Rizesporit. Reprezentuesi i Kosovës shënoi në minutën e 65-të për 2:1, por Rizespori realizoi vetëm tre minuta më pas për 2:2.
Golin e fitores, Beshiktashi e realizoi në minutën e 97-të përmes Joe Worrall.
Në Superligën turke, Rashica nuk kishte konkretizuar që nga 13 janari. Tani i ka pesë gola e katër asistime në 28 paraqitje.
Rashica e Ernest Muçi startuan te Beshiktashi në ndeshjen e xhiros së 35-të. Altin Zeqiri luajti prej minutës së 67-të për Rizersporin.
Beshiktashi është i katërti me 54 pikë, ndërsa Rizespori i teti me 49.
VIDEO:
Milot Rashica headers it into the bottom corner for Beşiktaş! 🦅🇽🇰
— Kosovar Football 🇽🇰 (@kosovarfootball) May 3, 2024
pic.twitter.com/DSOKcG4Ftm
