Beshiktashi ka pësuar disfatë 3:1 në ndeshjen e xhiros së pestë të Ligës së Evropës.
Skuadra turke humbi nga ajo izraelite, Maccabi Tel Aviv.
Ndeshja u zhvillua në Debrecen të Hungarisë, pas kërkesës së autoriteteve turke që ky ballafaqim të mos luhet në Turqi.
Ndërkohë, autoritetet hungareze vendosën që ballafaqimi të luhet pa tifozë.
Futbollisti i Kosovës, Milot Rashica, luajti vetëm në pjesën e parë.
Ciro Immobile e kishte mundësinë që në minutën e 71-të t’i barazonte shifrat në 2:2, por e humbi penalltinë.
Më pas Beshiktashi pranoi edhe një gol dhe u mposht. Beshiktashi ka gjashtë pikë pas pesë ndeshjeve.
Skuadra tjetër turke, Galatasaray, barazoi 1:1 në udhëtim tek AZ Alkmaari. Të dyja golat u realizuan në pjesën e parë.
Sven Mijnans shënoi për vendësit, kurse Victor Osimhen për mysafirët.
