Milot Rashica e kompletoi ndeshjen, kurse Ernest Muçi luajti deri në minutën e parë të kohës shtesë në barazimin e Beshiktashit në udhëtim te Bashakshehiri.
Ndeshja u mbyll 1:1, ndërsa i takoi xhiros së 31-të të Superligës së Turqisë.
Omar Colley shënoi për Beshiktsahin në minutën e 16-të, kurse Emirhan Ilkhan ia siguroi një pikë vendësve me golin e minutës së 95-të.
Beshiktashi ka 47 pikë në vendin e katërt.
Bashakshehiri ka 43 pikë në vendin e shtatë.
Samsunspori ndërkohë barazoi pa gola me Pendiksporin.
Arbnor Muja te Samsunspori luajti nga minuta e 58-të.
Samsunspori po lufton për mbetje në elitë. Ka 37 pikë në vendin e 12-të.
