Racingu argjentinas e ka eliminuar Corinthiansin të enjten pas mesnate dhe ka avancuar në finalen e “Copa Sudamericana”.
Racing Club fitoi me rezultatin 2:1 në ndeshjen kthyese.
Dueli i parë i zhvilluar në Brazil përfundoi 2:2.
Rivali i Racingut në finalen e 23 nëntorit do të jetë klubi tjetër brazilian, Cruzeiro, që në finale arriti pasi e eliminoi Lanusin e Argjentinës, 1:0.
Në Buenos Aires të parët që kaluan në epërsi ishin brazilianët. Sulmuesi holandez, Memphis Depay, bëri asistim shumë të mirë për Yuri Alberton.
Por, Racingu nuk u dorëzua dhe realizoi dy gola me Juan Fernando Quinteron.
“Copa Sudamericana” është gara e dytë më e rëndësishme në futbollin e Amerikës së Jugut, pas “Copa Libertadores”.
Në finalen e "Libertadoresit" janë Atletico Mineiro dhe Botafogo.
Finalja zhvillohet në Buenos Aires më 30 nëntor.
