Skuadrat italiane kanë pësuar debakël në plejofin e fazës nokaut të Championsit. Ishin tri skuadra italiane në këtë fazë dhe që të gjitha u eliminuan.
Të martën u eliminuan Milani e Atalanta, ndërsa të mërkurën Juventusi.
Juventusin e eliminoi skuadra holandeze, PSV Eindhoven. Juve në Torino kishte fituar 2:1.
Ndërkohë të mërkurën në Eindhoven pësoi 3:1. Dhe me rezultatin e përgjithshëm 4:3, në një të tetën e finales avancoi PSV-ja.
Ndeshja u vendos në vazhdime.
Ivan Perishiq kaloi në epërsi 1:0 PSV-në në minutën e 53-të. Për 1:1 shënoi Timothy Weah në minutën e 63-të.
Marokeni Ismael Saibari shënoi për 2:1 në të mirë të PSV-së në minutën e 74-t dhe kështu ndeshja shkoi në vazhdime.Në minutën e 98-të për 3:1 në të mirë të skuadrës holandeze shënoi mbrojtësi Ryan Flamingo.
Në një të tetën e finales prej skuadrave italiane është vetëm Interi.
PSV-ja shënon golin e tretë
PSV-ja ka kaluar në epërsi 3:1 ndaj Juventusit.
Ryan Flamingo shënoi në minutën e 98-të.
Shkon në vazhdime ndeshja mes PSV-së dhe Juventusit
Ndeshja mes PSV-së dhe Juventusit nuk ka përfunduar pas 90 minutave.
PSV-ja po udhëheq 2:1, rezultat që ishte edhe në ndeshjen e parë në Torino. Kështu do të luhen vazhdimet për të përcaktuar se cila skuadër avancon në një të tetën e finales në Champions.
PSV-ja kthen epërsinë ndaj Juventusit
PSV-ja ka kaluar në epërsi 2:0 ndaj Juventusit.
Ismael Saibari shënoi në minutën e 74-t.
Barazon Juventusi
Juventusi ka barazuar në 1:1 rezultatin në ndeshjen ndaj PSV-së.
Timothy Weah shënoi golin në minutën e 65-të.
PSV-ja ishte në epërsi prej minutës së 53-të.
PSV-ja udhëheq ndaj Juventusit
Skuadra holandeze PSV ka kaluar në epërsi 1:0 ndaj Juventusit.
Kroati Ivan Perishiq ka shënuar në minutën e 53-të.
Në ndeshjen e parë Juventusi fitoi 2:1, kështu që aktualisht rezultati i përgjithshëm është 2:2.
