Paris Saint-Germaini synon të kthehet te fitorja në Ligue 1 të Francës.
Të shtunën nga ora 21:00, PSG-ja luan ndaj Strasbourgut në “Parkun e Princave”, në ndeshjen e xhiros së tetë.
PSG-ja në shtatë ndeshje të luajtura ka 17 pikë, kurse Strasbourgu ka shtatë pikë më pak.
Sulmi i parisienëve, që është më i miri në ligë aktualisht me 21 gola të realizuar, nuk pritet të ketë telashe edhe në këtë ballafaqim.
Në xhiron e kaluar, PSG-ja barazoi në udhëtim te Nice, 1:1.
